قصيدة :عرفت وجيه
ياكثرهم .. لا قلت لك .. عرفت وجيه
وياقلهم ... لا قلت ... قـــدر ومعـزه
رجلٍ ... تعزه بعد ماتلتقـي ... فيــه
ورجلٍ ... قبل ماتلتقي بـه ... تعـزه
ورجلٍ .. ترزه بالمجـالـس ..مباديـه
ورجلٍ .. فلوسه بالمجالـس .. تـرزه
ورجلٍ .. يموت ولا يجيبون طاريـه
ورجل ٍ .. يجي طاريه في كل حــزه
ورجـلٍ يهزه .. بعض موقف ويشقيه
ورجلٍ .. مهوب أيّـــات موقف يهـزه
ورجلٍ .. ضعيف .. ويستفزه معاديه
ورجلٍ .. كلام أعـداه .. ما يستفـزه
ورجلٍ .. تلزه يعترف لك .. بخــافيه
ورجلٍ .. على خــــافيه .. محدٍ يلـزه
ورجـلٍ .. يوزونه .. ويزعل بنيخيـه
ورجلٍ .. يزعّل من يحــاول .. يـوزه
ورجلٍ .. تكزه لا زم إنــك .. توصيه
ورجلٍ .. بليّـــا مــا توصيــه .. كـزه
من لا فرش .. للمرجله .. مــاتغطيه
ومن لايخز .. النــاس .. محدٍ يخـزه
ان كنت تعرفني ..فهي ..عرفت وجيه
مو شرط لك بالقلب قدر ... ومعـــزه
للشاعر / خلف مشعان العنزي
موضوع: قصيدة :عرفت وجيه 
الثلاثاء أغسطس 11, 2009 5:30 am
