يكفيني بياض اني قدرت اخونك ولا خنت

السلام عليكم


هذي اول مشاركه لي بهالمنتدى منقوله واتمنى تنال اعجابكم

ذبل ورد الكلام وجف ينبوع الحكـي وأيقنـت
بأن الصمت في بعض المواقف يعتبر حكمـه

لك الله وأعلم أكثر من شهر
يامعاتبني مابنـت
وجيت وجبت معك من العتاب الوجبه الدسمة


دخيلك يالغياب تضف ساعات اللقـا لاهنـت
أنا مالي ومالك يالحضور اللي فقـد حجمـه


أبيك تمر يامريتني وأنا / أنـا.. وأنـت/ أنـت !!
مثل ما كانت نفوس اللقـا تتقاسـم البسمـه


أفتش عنك وأبحث بالأسامي ليـن ماتجننـت
وأنا مبلي بواحـد كـل يـوم مغيـرٍ رقمـه


على هالحال والأكثر وجـع أنـك اليا دندنـت
تخيرت الوجع قبل الوتر ماكـن بـك رحمـة


عزفت أطول غياب ولاعلى قلب الندم حزنـت
رقص قلبك غرور وهز وجدان الجفا جسمـه


يكفيني بياض أني قـدرت أخونـك ولاخنـت
رضيتك لي وطن وانت الوطن وانا لك الزحمه


وإذا طولتهـا ولاتراجعـت بجفـاك ولـنـت
لياليها ثلاث ... الرابعه : ( تامرني بخدمه ) !


تركتك للشقا وش عاد أسوي فيك ماأحسنـت
يجيك الخير من باب الكريم وترفـس النعمـه


على الله .. وأجزل أبيات القصايد كل مابرهنت
تجيني من بنات الفكر رسمه داخـل الرسمـه


عليها من شتاتي وأمنياتـي والولـد والبنـت
وعليها بصمتي والشاعر اللي يترك البصمـه


سجد كل القصيد وقلت خير وقال لي آمنـت
بأن الشعر علم وكل شاعـر ينتظـر قسمـة

وانا واياك ياكل الغلا مهمـا تكـون وكنـت
على قلب الحقيقه واحـدن مايقبـل القسمـه

يعطيك العافيه على الموضوع الرائع وننتظر جديدك

تقبلي مروري,,,وشكرا

ثانكس نورتو الصفحه
هذا الاول والقادم اكثر اباااااااااااااااااااع

بوجودكم دائما يستمر ابداعي وتالقي

يسلموووووووووووووو