kaka الأقلام المبدعة
![kaka](https://2img.net/u/1711/54/92/38/avatars/4-49.jpg)
عدد المساهمات : 280 تاريخ التسجيل : 14/07/2009 الموقع : مالكم دخل ![العضو المميز العضو المميز](https://2img.net/h/www.sheiabeen.com/vb/images/wsam/member.gif)
![قصيدة خلف المشعان العنزي (( الذيب يدرع بالغنم ولا يحسب احسابها)) Empty](https://2img.net/i/empty.gif) | موضوع: قصيدة خلف المشعان العنزي (( الذيب يدرع بالغنم ولا يحسب احسابها)) السبت أغسطس 15, 2009 4:21 pm | |
| الشعر في شرعي فكر .. والفكر بالشرع الاصيل نهج العقول الناضجه والعاقلين أدرى بها مو شرط من يكتب شعر يدري عن بحور الخليل اللي يداوي علتك لا تبلشه بأسبابها احد(ن) على الحنده حدا .. وحد(ن) على الشله يشيل كلن على ما يكرب بيوته يمس اطنابها على سبيل اهل المثل ماني مثل اهل السبيل اللي معاني حضورها تشبه معاني غيابها لا غبت جبت وعادتي لا غبت مارجع بالهزيل ان جبت اجيب اللي محد قبلي بالشعر جابها تعشقني الفكره بكر .. واسبق لها الوزن الثقيل اللي بنات افكارهم مبطي رميت حجابها اهيم في واد الدها واروي حديث السلسبيل يوم ان غيري جامع(ن) كتب الشعر يقرى بها ما بالقرايه راية(ن) بيضا ولا منها ذبيل لا روحت خيل الطرد تبكي على هذابها بعض المعاني وقعها اشطر من السيف الصقيل يوم السيوف من الهلع تثقل على قضابها ناس(ن) على الشعر دخلت والشعر بي منهم دخيل يقول انا بوجهك عن الهزله وعن كتابها ومدام صارت تشكي العله من اسباب العليل قل للجماعه ترمي ثياب(ن) ماهي بثيابها ماهي بلحيه طشطشه سيل(ن) من العارض يسيل اسقى جبال المملكه وسهولها وهضابها فان قيل ابو ظبي ابرقت وعيون اهاليها تخيل قولو لها عيني لها مبطي ترف اهدابها مساكم الله بالادب والذوق والشعر الجزيل من شاعر(ن) صدره يسع مكه ومن يسعى بها شاعر شمالي وقفته عن لابته تشفي الغليل يدرى زعلها ويحمى عنها ويخشى عتابها في ميله عقاله ثقه وبفطرته صبر(ن) جميل يحسب مسافه صيدته واليا رماها صابها انا البديل لعمر بن كلثوم لو ماله بديل لا قامت فحول الشعر تفخر بطيب انسابها لا المستحيل يردني ولا ابن عم المستحيل ياما **رت القاعده واخلفت وجه اعرابها صدري ليا عليت على واليا استطالت يستطيل اما استوت لي كلها ولا بلاش اشقا بها عندي قناعه ظلها وافر ولا لي فيها مقيل مامشي ورى قالو قبل واعيش في جلبابها ما من ورى زرع المثل في وقتنا الحاضر حصيل من طبق امثال العرب هذا الزمن يبلى بها من ذل لو قالو سلم .. يبقى بنظرتهم ذليل ما تستوي القمه تحت رجلين منهو هابها ايه الشجاعه تغلب الكثره وانا اعطيك الدليل الذيب يدرع بالغنم ولا يحسْب حسابها جيت بشموخ الوايلي ما جيت من تحت الشليل ولا ردني عن ساحه الشعار كبر القابها لو كل من اسمه جميل من العرب يطلع جميل كان اكثر اسماء العرب تحمل صفات اصحابها ولاينعم بظل النخيل اللي تحت جذع النخيل الشمس تصقع هامته حتى يحين غيابها ولاطولت عمر آدمي قولت عسى عمرك طويل طول العمار وقصرها رب العباد أدرى بها رح ردها عني وانا باكبر عواقبها كفيل ك ان طلعت كذبه فانا بين العرب كذابها ان الشجاعه تغلب الكثره وهذا اكبر دليل الذيب يدرع بالغنم ولا يحسْب حسابها | |
|
أسير الصمت مشرف عاام
![مشرف عاام مشرف عاام](https://2img.net/i/itest/ranks/stars/stars13.gif)
![أسير الصمت](https://2img.net/u/1711/54/92/38/avatars/3-92.jpg)
عدد المساهمات : 241 تاريخ التسجيل : 14/07/2009
![قصيدة خلف المشعان العنزي (( الذيب يدرع بالغنم ولا يحسب احسابها)) Empty](https://2img.net/i/empty.gif) | موضوع: رد: قصيدة خلف المشعان العنزي (( الذيب يدرع بالغنم ولا يحسب احسابها)) الأحد أغسطس 16, 2009 3:31 am | |
| مشكور يالوايلي على القصيدة الجميلة التي أتحفت منتداك بها ,,, ونحن دائمًا في إنتظار مزيدك . | |
|
kaka الأقلام المبدعة
![kaka](https://2img.net/u/1711/54/92/38/avatars/4-49.jpg)
عدد المساهمات : 280 تاريخ التسجيل : 14/07/2009 الموقع : مالكم دخل ![العضو المميز العضو المميز](https://2img.net/h/www.sheiabeen.com/vb/images/wsam/member.gif)
![قصيدة خلف المشعان العنزي (( الذيب يدرع بالغنم ولا يحسب احسابها)) Empty](https://2img.net/i/empty.gif) | موضوع: رد: قصيدة خلف المشعان العنزي (( الذيب يدرع بالغنم ولا يحسب احسابها)) الأحد أغسطس 16, 2009 3:02 pm | |
| عفوا ابو زيدان على المرور
واوعدك بالجديد المفيد | |
|